Wednesday, March 31, 2010

Camiguin Panaad 2010, andam na

HAN-AY na ang tanang kalihukan alang sa Panaad 2010 dinhi sa isla sa Camiguin.

Kini ang gibutyag ni Ms Candy Borromeo ang provincial tourism officer sa maong lalawigan.

Matud ni Borromeo nga niadtong miaging semana pa sila nangandam ilabina nga gilauman nila ang mas daghang tawo nga modalikyat sa Camiguin ning semana santa.

Giaghat ang katawhan sa kanunay pagpaminaw sa Bombo Radyo kay giila kini sa provincial govt nga official radio station aron ihatod ang mga kalihukan sa maong pulo.

Samtang gitin-aw sa provincial govt sa publiko nga nagpabiling ubos ang pletehan sa mga barge patabok gikan sa mainland padulong sa maong isla.

Reaction kini sa gobierno human migawas ang report nga adunay pagsakay sa panahon sa mga nanag-iya sa mga barge.

Gipasalig sa Philippine Coast Guard Region 10 nga sea worthy ang tanang barko nga naglawig ning panahon sa semana santa dinhi sa rehiyon.

Kini nunot sa gilaumang pagdagsa sa mga pasahero sa mga pantalan aron mouli ning semanaha.

Matud ni PCG 10 spokesman Lt Dennis Labay nga niadto pang miaging semana nila gisugdan ang pagsusi sa mga barko aron masiguro ang luwas nga pagbiyahe sa mga pasahero.

Si Labay miingon nga mas kapante sila sa mga biyahe karon sa barko ilabina nga walay bagyo nga makasulod sa nasud tungod sa grabeng kainit sa panahon.(With reports from Bombo Radyo)

No comments:

Post a Comment

Chat @ mahinog trumpet